Բժշկի ընդունարանում
«Մասնագիտությունը` բժիշկ» շարքից. «Արմենիա» ՀԲԿ մանկական օրթոպեդիայի և վնասվածքաբանության ծառայության ղեկավար Արա Աշոտի Այվազյան. armeniamedicalcenter.am
![«Մասնագիտությունը` բժիշկ» շարքից. «Արմենիա» ՀԲԿ մանկական օրթոպեդիայի և վնասվածքաբանության ծառայության ղեկավար Արա Աշոտի Այվազյան. armeniamedicalcenter.am «Մասնագիտությունը` բժիշկ» շարքից. «Արմենիա» ՀԲԿ մանկական օրթոպեդիայի և վնասվածքաբանության ծառայության ղեկավար Արա Աշոտի Այվազյան. armeniamedicalcenter.am](up/article/big/file_57230_1216854.jpg)
Արա Աշոտի Այվազյանն ավարտել է Երևանի Մխիթար Հերացու անվան պետական բժշկական համալսարանը` բուժական գործ մասնագիտացմամբ, կարմիր դիպլոմով: Ավարտելուց հետո մեկնել է Ռուսաստան, ընդունվել և ավարտել է Պրիորի անվան վնասվածքաբանության և օրթոպեդիայի կենտրոնական ինստիտուտի օրդինատուրան: Որոշ ժամանակ այնտեղ աշխատելուց հետո վերադարձել է Երևան, հաջորդաբար ընդունվել և ավարտել է ասպիրանտուրան և դոկտորանտուրան Առողջապահության ազգային ինստիտուտի ամբիոնում:
Վերջին 15 տարիների ընթացքում ղեկավարել է Վնասվածքաբանության և օրթոպեդիայի գիտական կենտրոնի մանկական վնասվածքաբանության և օրթոպեդիայի բաժանմունքը:
Կորոնավիրուսի պանդեմիայի պատճառով, գիտական կենտրոնի փակվելուց հետո, տեղափոխվել է «Արմենիա» հանրապետական բժշկական կենտրոն:
Բժշկական գիտությունների դոկտոր, պրոֆեսոր Արա Այվազյանը բժշկի հագեցած ու լի ճանապարհ է անցել, բժշկի, ում համար իր մասնագիտությունը թեպետ դժվար, բայց գերագույն հաճույք, սեր, կոչում և մղում է եղել: Այդ ճանապարհը նա համարում է սեփական ձեռքերով հրաշքներ կերտելու ճանապարհ, երբ գալիս են «ծռված, թեքված երեխաներ» և ուղղված վերադառնում կյանք, երբ մանկական ուղեղային կաթվածով երեխայի մայրը տեսնում է, որ իր երեխան չորեքթաթ վիճակից սեփական ոտքերով տուն է վերադառնում, երբ… Կարելի է անվերջ շարունակել, բայց ավելի լավ է բժիշկն ինքը պատմի իր մասին:
Ի՞նչ է բժշկությունը Ձեզ համար. մասնագիտությո՞ւն, թե՞…
Ինձ համար բժշկությունը ապրելաոճ է: Հաճախ են բժիշկներն ասում, թե իմ ինչին էր պետք բժիշկ դառնալը, բայց կարծում եմ դա սկսվում է պատահաբար կամ մանկական երազանքով: Բայց աշխատանքի հետ վերափոխվում սիրո և նվիրվածության պես մի բանի:
Շատ բժիշկներ ամուսնանում են հենց բժիշկների հետ, և դա պատահականություն չէ:
Բժշկությունն ասես հոգու անհագ պահանջ է , եթե դու, իրոք, սիրում ես քո մասնագիտությունը, ապրում ես դրանով: Շատ հնարավորություններ եմ ունեցել մեկնել արտասահման` ավելի լավ պայմաններով աշխատելու, բայց հասկացել եմ մի պարզ բան, որ մեր երկրից լավը չկա: Ցավալի է լսել, թե ինչպես են ոմանք այլ կերպ մտածում: Այդ մարդիկ, եթե գնան արտասահման, տարբեր երկրներ, նոր միայն կհասկանան մեր երկրի դրական կողմերը: Այն վիրահատությունները, որոնք մենք ենք իրականացնում, ցուցադրում արտերկրում, ապշեցնում են օտարերկրյա բժիշկներին, նրանց համար անհավատալի է, թե մեր օգտագործած նյութատեխնիկական բազայով ինչպիսի մեծ արդյունքներ ենք ստանում:
Ինչո՞ւ ընտրեցիք հատկապես մանկական բժշկությունը:
Ինձ համար երեխաների հետ աշխատելն ավելի պատասխանատու և հաճելի է, որովհետև երեխաներին շատ եմ սիրում: Իսկ երբ տխուր արատավոր երեխան բուժվում է և ժպտալով առողջացած դուրս գրվում, այդ հաճելի զգացողության հետ դժվար է ինչ-որ բան համեմատել… Ի՞նչը կարող է երեխաներին առողջություն և ժպիտ պարգևելուց ավելի լավ լինել:
Զբաղվում եմ մանկական բնածին և ձեռքբերովի արատների բուժմամբ. ծուռթաթություն, ծուռվզություն, բնածին հոդախախտեր և այլն: Կոնքազդրային հոդի տարբեր ռեկոնստրուկտիվ վիրահատություններ ենք կատարում:
Աշխատում եմ բարորակ ուռուցքներով, ուռուցքանման հիվանդություններով հիվանդ երեխաների հետ. էքզոսթոզներ, օստեոիդ-օստեոմաներ, անևրիզմալ և սոլիտար կիստաներ և այլն: Զբաղվում եմ նաև արթրոսկոպիաներով, որը նոր ոլորտ է: Այդ մեթոդով ծնկան հոդի տարբեր տիպի վիրահատություններ ենք իրականացնում:
Լինո՞ւմ են վհատության, հուսահատության պահեր, և ի՞նչն է օգնում նման դեպքերում:
Այս մասնագիտությունը պետք է սիրել, որ չսիրես, չես կարող աշխատել, նվիրվել: Ես սիրում եմ իմ գործը:
Իսկ հուսահատությունը կապված է մարդկանց վերաբերմունքի և բժշկության խնդիրների հետ: Հիմնականում դրանից է, որ մարդիկ երբեմն բժշկությունը համեմատում են առևտրի ոլորտի հետ: Սակայն բժշկությունը շուկայական ծառայություն չէ, բժիշկը մատուցող չէ, կանաչեղեն, կարտոֆիլ ծախող չէ, առևտրական չէ, բժիշկը պետք է չզբաղվի ֆինանսական գործերով: Բժիշկը պետք է հարգված լինի, ֆինանսապես կախում չունենա, նա պետք է կենտրոնանա միայն հիվանդ մարդուն առողջացնելու և շուտ ոտքի կանգնեցնելու վրա: Բայց նաև՝ ֆինանսի հետ գործ չունենալու ֆոնի վրա, բժիշկը պետք է լինի ամենաապահովված խավերից մեկը: Մեր ոլորտում պահանջվում են անընդհատ վերապատրաստումներ արտերկրում: Դա կապված է մեծ գումարների հետ և ամբողջությաբ ինքնաֆինանսավորվում է:
Բժշկությունից զատ ունե՞ք հոգուն հարազատ այլ զբաղմունքներ:
Այո, սիրում եմ տուրիզմը, զբաղվում եմ մոդելավորմամբ` տանկեր, ինքնաթիռներ, նավեր, պատրաստելով, սիրում եմ մոտոսպորտը:
Մենք պատերազմող երկիր ենք. զինվորների բուժմամբ զբաղվելու, Ձեզ զինվոր զգալու առիթ ունեցե՞լ եք:
Որպես բժիշկ 2 տարի ծառայել եմ բանակում՝ Վարդենիսում, այնուհետև կենտրոնական զինվորական հոսպիտալներում: Ցուցաբերել եմ բուժօգնություն բազմաթիվ վիրավորների, զինվորների, սպաների, բազմաթիվ վիրահատություններ եմ կատարել: Մասնակցել եմ բանակի աջակցությանը միտված տարբեր գործողությունների: Բժշկական նեղ մասնագիտական օգնություն եմ կազմակերպել արդեն ծառայությունն ավարտելուց հետո, շատ աշխատանք եմ տարել, որ հոսպիտալները ստանան անհրաժեշտ սարքեր:
Ստեփանակերտում բժիշկների հետ միասին կատարել ենք բազմաթիվ բարեգործական վիրահատություներ, ես՝ երեխաներին, մյուսները՝ մեծահասակներին, ամեն բան մեզ հետ տարել ենք, վիրահատել տեղում և հետ վերադարձել:
2020թ պատերազմի առաջին օրից կամավոր մեկնել եմ Արցախի Մարտունի քաղաքի հիվանդանոց, որտեղ շուրջ 3 շաբաթ անընդմեջ կատարել եմ վիրահատություններ ու ցուցաբերել նեղ մասնագիտական բուժօգնություն մեր վիրավոր զինվորներին ու քաղաքացիներին, ինչպես նաև` օտարերկրյա լրագրողներին: Վիրահատությունները կատարվում էին 24/7 ռեժիմով` չընդհատվող ռմբակոծությունների տակ:
Հիվանդանոցի էվակուացիայից հետո տեղափոխվել եմ Վարդենիսի հոսպիտալ` մինչև պատերազմի ավարտ:
Չեմ ասի, թե ինձ զինվոր եմ զգացել, ես ինձ զգում եմ Հայաստանի քաղաքացի, որն իր երկրի համար բոլոր բնագավառներում ցանկանում է օգնած լինել իր հնարավորություններին համապատասխան:
Ի՞նչն եք կարևորում բժիշկ-մարդու խառնվածքում:
Բժիշկը պետք է, նախ, ադեքվատ անձնավորություն լինի, հիվանդներին վերաբերվի որպես իր հարազատի, միշտ լինի համբերատար: Նա պարտավոր է հիվանդին բացատրել հիվանդության հետ կապված ամեն բան, բոլոր հնարավոր ելքերը, վերջնական որոշումը կայացնում է հիվանդը, և նա պետք է ճիշտ հասկանա իրավիճակը՝ ճիշտ վճիռ կայացնելու համար:
Ինձ համար հիվանդի առողջությունը առաջնային է, նույնիսկ, եթե հիվանդը չի կարողանում գումար ձեռք բերել անհրաժեշտ բուժօգնության համար, պետք է օգնել նրան, գումար ձեռք բերելու ճանապարհներ գտնել:
Օրթոպեդիկ պլանային վիրահատությունների համար պետությունը մետաղական կոնստրուկցիաների վճարը չի ապահովում, բայց կան անապահով երեխաներ: Մինչև կորոնավիրուսային պանդեմիան մենք կազմակերպել և հասել էինք այն բանին, որ տարբեր բարեգործական կազմակերպություններ օգնում էին այդպիսի երեխաների, ես ինքս խնդրում էի այդ կազմակերպություններին, որ նման երեխաներին կարողանայինք վիրահատել:
Կան դեպքեր, երբ անզոր ես, և խոստովանում ես, որ անզոր ես, բայց եթե չնչին հնարավորություն անգամ կա, աշխատում ես ամեն բան անել, որ օգնես հիվանդին:
![](images/calendar.png)
Կարդացեք նաև
![«Պետք է պայքարել մարդու կյանքի համար՝ առանց ակնկալիքի»․ հարցազրույց մաշկաբան Հովհաննես Հովհաննիսյանի հետ «Պետք է պայքարել մարդու կյանքի համար՝ առանց ակնկալիքի»․ հարցազրույց մաշկաբան Հովհաննես Հովհաննիսյանի հետ](up/article/small/file_63598_7925109.jpg)
Ինչո՞ւ ընտրեցիք մաշկաբանի մասնագիտությունը:
2003 թվականինին, երբ ընդունվեցի մաշկաբանության և սեռավարակաբանության օրդինատուրա, դեռ չէի պատկերացնում...
![](images/calendar.png)
![Հիվանդը բժշկի մեջ պետք է ուժ, լույս և հույս տեսնի․ հարցազրույց Ուռուցքաբանության ազգային կենտրոնի Դեղորայքային ուռուցքաբանության բաժանմունքի ղեկավար Նաիրա Ջանոյանի հետ Հիվանդը բժշկի մեջ պետք է ուժ, լույս և հույս տեսնի․ հարցազրույց Ուռուցքաբանության ազգային կենտրոնի Դեղորայքային ուռուցքաբանության բաժանմունքի ղեկավար Նաիրա Ջանոյանի հետ](up/article/small/file_63136_2354621.jpg)
Ներկայում քիմիաթերապիայի դերը ուռուցքների բուժման գործընթացում։
Քիմիաթերապիան այսօր, ինչպես և շատ տարիներ առաջ, իր կարևոր և ուրույն դերն ունի ուռուցքաբանության մեջ...
![](images/calendar.png)
![Քաղցկեղի դեղորայքային բուժման ամենաօպտիմալ մեթոդներն են թիրախային եւ իմունաթերապիան. nairimed.com Քաղցկեղի դեղորայքային բուժման ամենաօպտիմալ մեթոդներն են թիրախային եւ իմունաթերապիան. nairimed.com](up/article/small/file_63113_8191275.jpg)
Այսօր քաղցկեղի դեղորայքային բուժման ամենաօպտիմալ մեթոդներն են թիրախային եւ իմունաթերապիան։ Երկուսն էլ ավանդական քիմիաթերապիայի հետ միասին հաջողությամբ կիրառվում են Նաիրի ԲԿ–ում...
![](images/calendar.png)
![«Արմենիա» ՀԲԿ արյան ծառայությունը. հարցազրույց Մարինե Թովմասյանի հետ. armeniamedicalcenter.am «Արմենիա» ՀԲԿ արյան ծառայությունը. հարցազրույց Մարինե Թովմասյանի հետ. armeniamedicalcenter.am](up/article/small/file_62927_3476849.jpg)
Խոսենք «Արմենիա» ՀԲԿ արյան ծառայության մասին:
Կենտրոնում կատարվում են արյան հետ կապված այն գործառույթները, որոնք իրականացվում են...
![](images/calendar.png)
![Ի՞նչ է փոխվել. 16 տարի անց հարցազրույց Արմեն Չարչյանի հետ` նույն հարցերով Ի՞նչ է փոխվել. 16 տարի անց հարցազրույց Արմեն Չարչյանի հետ` նույն հարցերով](up/article/small/file_62765_4254548.jpg)
Մեդ-Պրակտիկ թիմի կողմից որոշում կայացվեց 2007 թվականին հրապարակվող «Ֆարմացևտ պրակտիկ» պարբերականի շրջանակում պրոֆեսոր Արմեն Չարչյանին հարցազրույցի ժամանակ հնչած...
![](images/calendar.png)
![Կրծքագեղձի քաղցկեղ. erebunimed.com Կրծքագեղձի քաղցկեղ. erebunimed.com](up/article/small/file_62487_715937.jpg)
Երբ հետազոտել կրծքագեղձը, անհրաժեշտ է կատարել ամենամյա հետազոտություն, թե բժշկի դիմել, երբ արդեն կան գանգատներ: Թեման պարզաբանում է «Էրեբունի» ԲԿ մամոլոգիայի և կրծքագեղձի...
![](images/calendar.png)
![Ինչպես կանխարգելել կաթվածը. erebunimed.com Ինչպես կանխարգելել կաթվածը. erebunimed.com](up/article/small/file_62358_8605428.jpg)
Ինչպես նվազեցնել գլխուղեղի կաթվածի՝ ինսուլտի ռիսկը. խորհուրդ է տալիս «Էրեբունի» ԲԿ կաթվածի կենտրոնի նյարդաբան Լինա Զուբալովան...
![](images/calendar.png)
![Բնածին հիպոթիրեոզի և ֆենիլկետոնուրիայի սքրինինգային հետազոտություններ․ նեոնատոլոգ Աիդա Դանիելյան. morevmankan.am Բնածին հիպոթիրեոզի և ֆենիլկետոնուրիայի սքրինինգային հետազոտություններ․ նեոնատոլոգ Աիդա Դանիելյան. morevmankan.am](up/article/small/file_62324_1718288.jpg)
Ե՞րբ , ի՞նչ նպատակով են կատարվում բնածին հիպոթիրեոզի, ֆենիլկետոնուրիայի սքրինինգային հետազոտությունները...
![](images/calendar.png)
![Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am](up/article/small/file_62223_5053708.jpg)
Գանգուղեղային վնասվածքների /ԳՈՒՎ/ պատճառները և դասակարգումը
Գանգուղեղային վնասվածքները կարող են առաջանալ տարբեր պատճառներով՝ ավտոպատահարների...
![](images/calendar.png)
![Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am](up/article/small/file_62215_9291029.jpg)
Միջողային սկավառակների ճողվածքներ. Նյարդավիրաբուժական բաժանմունքի վարիչ Ծերունի Հովհաննիսյան
Ինչպե՞ս կբնորոշեք միջողային սկավառակի ճողվածքը...
![](images/calendar.png)
![Կոնքազդրային հոդի սքրինինգ. նեոնատոլոգ Մարինա Զարգարյան. morevmankan.am Կոնքազդրային հոդի սքրինինգ. նեոնատոլոգ Մարինա Զարգարյան. morevmankan.am](up/article/small/file_62199_3599864.jpg)
Ի՞նչ է կոնքազդրային հոդի սքրինինգը
Մոր և մանկան առողջության պահպանման գիտահետազոտական կենտրոնում 2009 թ-ից սկսած կատարվում է...
![](images/calendar.png)
![Կոկորդի էնդոլարինգեալ վիրահատություններ․ քիթ-կոկորդ-ականջաբան Սոնա Մանուկյան. armeniamedicalcenter.am Կոկորդի էնդոլարինգեալ վիրահատություններ․ քիթ-կոկորդ-ականջաբան Սոնա Մանուկյան. armeniamedicalcenter.am](up/article/small/file_62196_4714579.jpg)
Կոկորդի ախտահարումների առանձնահատկությունները
Ժամանակակից քիթ-կոկորդ-ականջաբանության խնդիրների շարքում կոկորդի ախտահարումներն ամենահաճախ հանդիպողներից ե...
![](images/calendar.png)
![Քթի պլաստիկ վիրահատություն. հաճախ տրվող հարցերին պատասխանում է Հայկ Ենոքյանը Քթի պլաստիկ վիրահատություն. հաճախ տրվող հարցերին պատասխանում է Հայկ Ենոքյանը](up/article/small/file_62106_5297130.jpg)
Քթի պլաստիկ վիրահատությունը` ռինոպլաստիկան, ըստ դիմա-ծնոտային և պլաստիկ վիրաբույժ, բժշկական գիտությունների թեկնածու, դոցենտ Հայկ Ելոքյանի, մի ամբողջ փիլիսոփայություն է ու ներառում է և՛ ֆիզիկական...
![](images/calendar.png)
![](images/white_bl.gif)
![](images/white_br.gif)
![](images/white_tr.gif)
![](images/white_tl.gif)
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Հղիություն. 2-րդ ամիս
- 4-7 ամսական երեխաների սնուցումը
-
Ամուսնական առաջին գիշերը
-
Ընկերության մասին
-
Ինչպես ազատվել անցանկալի մազերից
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Պարզվում է ապագա երեխայի սեռը կախված է մայրիկի սնունդից
-
Դդում
-
Կոճապղպեղ՝ նիհարելու համար (կոճապղպեղի թեյ)
-
Հիվանդություն, որը փոխում է մեր կյանքը` կրծագեղձի քաղցկեղ
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Երիցուկ դեղատնային - Ромашка аптечная - Matricaria chamomilla L.
-
Չիչխանի օգտակար հատկությունները
-
Քարավուզ (նույն ինքը՝ նեխուր)
-
Ինչպես ազատվել բերանի վատ հոտից`պարզ միջոց
-
Դիմակներ` մազերի համար
-
Հղիություն. 1-ին ամիս
-
Կրծքի ցավե՞ր ունեք. ինչ անել
-
Ընդհանուր տեղեկություններ մարմնի համակարգերի մասին
-
Ընտրություն ըստ հորոսկոպի
-
Հիվանդություն, որի համար պետք չէ ամաչել (թութք)
-
Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
-
Հղիությունը և նախապատրաստվելը դրան
- Խոսենք այդ մասին. ձեռնաշարժություն
-
Երբ գլխացավն ախտանիշ է: Հանճարեղ և օժտված մարդկանց հիվանդություն
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Էկզեմայի տեսակները և բուժումը
-
Ուլտրաձայնային դոպլերոգրաֆիա (երկակի (դուպլեքս) անոթների)
-
ՈւՆԱԲԻ: Արևելյան բժշկության գաղտնիքները
-
Իրիդիոսքրինինգ
-
Գամմա-դանակը նշտարի փոխարեն